DIVJAKE – Pesë të rinj të
dehur i vënë zjarrin pyllit të Divjakës.
Policia identifikon dhe ndalon pesë autorët. Burime
pranë Komisariatit të Lushnjës bëjnë
të ditur se zjarri ka rënë në orën
15:00 të ditës së djeshme. Të njëjtat
burime pohojnë se janë djegur katër hektarë
pyll, ndërsa ka qenë në rrezik dhe Parku Kombëtar
i Divjakës. Mësohet se kanë ardhur në
ndihmë pesë zjarrfikëse për të lokalizuar
zjarrin. Për tri orë, 25 zjarrfikës kanë
mundur që të shuajnë zjarrin, duke shmangur
kështu edhe mundësinë e përhapjes së
tij. Ngjarja
Një zjarr i fuqishëm ka rënë rreth orës
15:00 të ditës së djeshme, në afërsi
të plazhit të Divjakës. Zjarri ka rrezikuar
seriozisht pasurinë kombëtare të Parkut të
Divjakës. Burime nga policia pohojnë se zjarri është
vënë nga 5 persona, në gjendje të dehur,
pasi kanë drekuar në një nga lokalet e Divjakës
në rrethin e Lushnjës. Në vendngjarje pas alarmit
të pronarëve të lokaleve përreth, të
cilët kanë parë flakën e zjarrit, kanë
ardhur 5 mjete zjarrfikëse, të cilët kryen
lokalizimin dhe shuarjen e tij. Janë dashur më shumë
se 3 orë që rreth 25 punonjës zjarrfikës,
kanë luftuar me flakët e zjarrit të cilat kanë
përpirë rreth 4 ha me shkurre dhe fatmirësisht
nuk ka mbërritur në masivin pyjor të Parkut
Kombëtar. Zjarri ka rënë pranë brigjeve
të plazhit dhe
shumë më afër bregut të detit, por gjithsesi
ekzistoi rreziku që flakët e zjarrit të mbërrinin
edhe në masivin pyjor të parkut. Në vendngjarje
veç mjeteve zjarrfikëse kanë mbërritur
edhe forcat e Komisariatit të Policisë së Lushnjës,
të cilët identifikuan personat që kryen këtë
vepër. Ndalimi
Sipas shefit të Komisariatit të Policisë së
Lushnjës, Bujar Hoxha, kanë qenë 5 të
rinj nga Lushnja dhe Divjaka, të cilët në gjendje
të dehur pasi kanë drekuar, kanë hedhur pa
kujdes cigaret e tyre pranë shkurreve dhe janë larguar
pa qenë të vetëdijshëm për dëmin
e shkaktuar. Mësohet se ata janë ndaluar dhe pritet
masa ndëshkimore ndaj tyre.
Zjarri
SARANDE - Rreth 1 milion lekë ka qenë dëmi
që ka shkaktuar zjarri në supermaketin “Vëllezërit
Myrtaj” në qendër të qytetit të
Sarandës. Burime nga Komisariati i Policisë në
Sarandë bëjnë të ditur se në mesnatën
e së enjtes ka marrë flakë supermarketi në
qendër të qytetit. Pas hetimeve të kryera në
vendngjarje është konstatuar se shkaktar i rënies
së zjarrit në supermarketin “Vëllezërit
Myrtaj” ka qenë stabilizatori. Luhatjet e energjisë
elektrike, bëjnë të ditur burimet policore,
kanë dhënë masë dhe shkaktuan flakë
të mëdha në supermarket.
DURRES/ Kryetari i PS-së denoncon
shkeljet për ndërtimet pa leje në Golem
“Nuk është prishur asnjë
objekt në plazh”
Enkeleda ARAPI
DURRES – Masakër urbanistike, i ka
cilësuar kryetari i selisë rozë, Gazmir Bizhga,
ndërtimet në zonën e plazhit. Dje, Bizhga ka
denoncuar me fakte, masakrën urbanistike të bërë
pas 3 korrikut përgjatë kurorës së plazhit.
Denoncimet e tij nisen nga raporti i KLSH-së, të
kryer në dokumentacionet e komunës së Golemit,
për lejet e ndërtimit. “Në zonën
e plazhit nuk është pezulluar asnjë ndërtim
pa leje”, shprehet për gazetën Bizhga. Sipas
këtij të fundit, ka qenë një kontroll
i bërë nga KLSH-ja që zbuloi 113 dosje për
ndërtimet pa leje, me shkelje nga më të ndryshmet,
që nga falsifikimi e deri te mungesa e dokumentacionit.
Por Bizhga nuk lë pa përmendur edhe personat që
kanë ndihmuar për këto objekte të paligjshme,
si kryetari i komunës së Rrashbullit, Hysen Gashi,
që ka dhënë leje për këto ndërtime. Deklarimet
“Ndërtimet në proces e sipër nga të
dy krahët e rrugës së zonës së plazhit,
vërteton se nuk është pezulluar asnjë
leje ndërtimi tek shkëmbi i Kavajës. Kjo zonë
përfshin zonën nga Ura e Plepave deri tek Përroi
i Agait, ose siç njihet zona e Shkëmbit të
Kavajës” deklaroi Bizhga.Sipas tij, kryeministri
Berisha deklaroi se do të bllokonte të gjitha ndërtimet
në proces dhe lejet e ndërtimit në këtë
zonë. “Madje, për ta bërë më
të besueshme, ngriti komisionin shtetëror për
verifikimin e lejeve të ndërtimit të dhëna
nga KRRTRSH-ja”, u shpreh Bizhga. Sipas tij, ky komision,
i ngritur me iniciativën e kryeministrit, pezulloi mjaft
leje ndërtimi tek Shkëmbi i Kavajës në
ditët e para të punës së tij. Sipas Bizhgës,
“kjo lëvizje ishte një gënjeshtër
për t’i larë duart përpara opinionit
publik, pasi kryeministri Berisha, që është
njëherësh edhe kryetari i KRRTRSH-së nuk bëri
asnjë përçapje që premtimet e bujshme
t’i realizonte”. Abuzimet
Të gjitha ndërtimet janë të paligjshme.
Kjo e rëndon edhe më shumë situatën. Në
këtë pikë, Bizhga ia hedh fajin edhe prefekturës
së Durrësit, pasi, ky institucion ka preferuar të
heshtë dhe inspektorët e saj nuk e dinë se
ç’bëhet në zonën e plazhit. Kreu
rozë ka akuzuar drejtpërsëdrejti kreun e komunës
së Rrashbullit, Hysen Gashi. “Gashi ka riaktivizuar
të gjitha lejet e pezulluara në kohën e qeverisë
socialiste për shkak të parregullsive, por edhe
ato të pezulluara për efekt reklame nga KRRTRSH-ja
e kryeministrit Berisha”, shprehet Bizhga. “Nga
një zonë më pyll pishe, tani është
kthyer në një zonë me pyll betoni, duke ulur
totalisht vlerat e saj turistike”, ka përfunduar
fjalën e tij Bizhga.
Raporti i KLSH-së për zonën
e Golemit
Janë 113 dosje për leje ndërtimi
që kanë mungesë në dokumentacion apo janë
edhe të falsifikuara. Ky është raporti i dalë
nga KLSH-ja, pas një kontrolli të bërë
në dokumentacionet e lejeve të ndërtimit të
dhëna nga komuna e Golemit. Burime pranë këtij
institucioni pohojnë se vetëm për komunën
e Rrashbullit për vitin 2005 janë kontrolluar 311
dosje për leje ndërtimi në zonën e Shkëmbit
të Kavajës. Nga këto dosje 311 rezultojnë
me shkelje, 113 dosje pa studimin përkatës urbanistik,
13 dosje pa dokument pronësie, 6 dosje me dokumentacion
tërësisht të falsifikuara, duke filluar që
nga certifikatat e deri tek aktet e pronësisë, në
37 dosje mungon kategoria e tokës bujqësore, po
dhe 37 dosje janë pa kontratë ndërtues-pronar
i tokës, 17 dosje ku mungojnë licencat e drejtuesit,
62 dosje kanë mungesë formularësh, si dhe 47
doje kanë mangësi urbanistike. Por me gjithë
këto shkelje, KLSH-ja nuk çoi asnjë dosje
në prokurori për kryetarin e komunës, Hysen
Gashi dhe për bashkëpunëtorët e tij.
Abuzuesi, kryetari i komunës së
Rrashbullit
Ishte KLSH-ja që vuri në dukje shkeljet
flagrante të ligjit për urbanistikën të
kryera nga kryetari i komunës Hysen Gashi. Por shkelje
janë bërë edhe nga ish juristi i komunës,
Flori Bajramaj, sot deputeti i PD-së. Ndërsa mësohet
se edhe punonjësi në sektorin e infrastrukturës
së komunës, Pasho Beqiri dhe punonjësi në
zyrën urbanistike dhe shërbimeve të komunës,
Shaban Bleta kanë marrë pjesë në këto
shkelje. Por me gjithë këto shkelje, KLSH-ja nuk
çoi asnjë dosje në prokurori për kryetarin
e komunës, Hysen Gashi dhe për bashkëpunëtorët
e tij.
Shkeljet
¨ Janë 311 dosje për leje ndërtimi
në zonën e Shkëmbit të Kavajës 113
dosje të kontrolluara për leje ndërtimi, rezultojnë
pa studimin përkatës urbanistik
¨ 13 dosje rezultojnë pa dokument pronësie
¨ 6 dosje me dokumentacion tërësisht të
falsifikuara, duke filluar që nga certifikatat e deri
tek aktet e pronësisë
¨ 37 dosje mungon kategoria e tokës bujqësore
¨ 37 dosje janë pa kontratë ndërtues-pronar
i tokës
¨ 17 dosje ku mungojnë licencat e drejtuesit
¨ 30 dosje kanë mungesë formularësh
¨ 47 dosje kanë mangësi urbanistike
MIRDITE/ Murgeshat kërkojnë faljen
e grabitësve të tyre
36 vite burg dhunuesve të misionareve
italiane
Aleksandër NDOJA
MIRDITE – Gjykata e Mirditëd dënoi
me 36 vite burg dy autorët e plagosjes së murgeshave
në fshatin Klos të komunës Fan, të rrethit
Mirditë. Dje, trupi gjykues i Shkallës së Parë
Mirditë, dha vendimin për Aleksandër Gjonin
dhe Alfred Dodën. Akuza ka kërkuar që të
dy të pandehurit të dënohen me nga 18 vite
burg, secili. Burime pranë gjykatës pohojnë
se tri murgeshat, të cilat kanë përjetuar edhe
natën e tmerrshme në dhjetor 2005, kanë kërkuar
që grabitësit të falen, nisur kjo edhe nga
gjendja shoqërore e tyre, niveli arsimor dhe kushtet
ekonomike të cilat ndodheshin. Ndërkohë që
në gjykim nuk ka marrë pjesë e dashura e njërit
prej të arrestuarve, e cila ka dhënë informacionin
e plotë të sasisë së lekëve që
murgeshat posedonin ato ditë, pasi ajo ishte një
nga kursantet e rrobaqepësisë në kishën
e Fanit. Dy të pandehurit janë dënuar për
dy vepra penale, grabitja me armë me paramendim në
bashkëpunim dhe plagosjes së rëndë, si
dhe të armëmbajtjes pa leje. Ngjarja
Ngjarja e rëndë ka ndodhur mbrëmjen e së
martës, më 2 dhjetor të vitit të kaluar,
rreth orës 22:30 minuta. Dy personat e mësipërm
të armatosur kanë hyrë në banesën
e misionareve, kanë marrë paratë dhe më
pas kanë hapur zjarr, duke lënë të plagosura
murgeshat italiane Xhenarina Neri dhe Marilis Berna. Në
momentin që dy murgeshat po kryenin lutjet në kapelën
e vogël të misionit, dy persona të armatosur
kanë shfrytëzuar edhe mungesën e energjisë
për të bërë grabitjen në shtëpinë
që mban emrin e misionit kishtar “Shën Xhovana
Antida”. Sipas dëshmive grabitësit kanë
thyer xhamin kristal të derës, kanë futur dorën
në të çarën e krijuar dhe kanë
mundur ta hapin atë me çelës. Në momentin
kur ata po kryenin këto veprime, dy motrat Xhenarina
Neri dhe Marilys Berna kanë qenë duke kryer ritualin
e përnatshëm të lutjes. Të ndodhura nën
kërcënimin e armëve nga Aleksandër Gjoni
dhe Alfred Dodës, dy murgeshat u kanë dhënë
të gjitha paratë. Por autorët e kësaj
grabitjeje kanë filluar të qëllojnë me
automatikë në ajër, brenda në dhomë,
plumba kanë bërë rikoshet nëpër mure
dhe kanë plagosur dy murgeshat që ndodheshin në
dhomë. Më pas, murgeshat janë dërguar
me një autoambulancë të spitalit të Rrëshenit.
Pas marrjes së mjekimeve në spitalin e Rrëshenit
misionaret janë dërguar në spitalin e Tiranës
dhe pas mjekimeve intensive kanë mundur t’i shpëtojnë
vdekjes.
DENIMI
SARANDE – Dënohet me 10 vjet burg, bashkëshorti
vrasës, Misha Miho. Dje, gjykata e rrethit gjyqësor
të Sarandës ka dhënë vendimin përfundimtar
për 54-vjeçarin Miho, i akuzuar për veprën
penale të vrasjes së gruas së tij Lefteri,
shtatë muaj më parë. Burime pranë këtij
institucioni bëjnë të ditur se i pandehuri
Misha Miho u dënua për dy vepra penale, atë
të vrasjes me paramendim dhe mbajtjes së armëve
të ftohta.
FIER - Arratisja e 3 të paraburgosurve
nga dhomat e paraburgimit në Komisariatin e policisë
Fier, vë në lëvizje 80 forca policie. Dy të
paraburgosurit, Elton Hazizi dhe Armand Jaupaj mbeten ende
në gjendje të lirë. Megjithëse mbi 80
uniforma blu, forca të FNSH dhe RENEA-s janë në
patrullim nëpër postblloqet e ngritura në akset
kyçe që lidh qytetin e Fierit me rrethet fqinj,
si në Vlorë, Berat, Lushnjë etj., nuk është
bërë e mundur ende kapja e tyre. Prokuroria e Fierit
në bashkëpunim me Shërbimin e Kontrollit të
Brendshëm pas hetimeve të kryera ka vendosur masën
e arrestit për 6 uniformat blu, të cilët kanë
qenë me shërbim natën që ka ndodhur arratisja.
Këta të fundit kanë qenë roje të
dhomave të brendshme, roja të jashtme si dhe shefi
i dhomave të paraburgimit. Agim Driza, Aleksandër
Hoxha, Bujar Plaka, Flamur Zaimi, Gjovalin Prenga dhe Agron
Pipa janë arrestuar, ndërkohë që vazhdon
aksioni për kapjen edhe të dy të arratisurve
që tashmë janë shpallur në kërkim.
Mbi policët e arrestuar rëndon akuza e shkeljes
së rregullave gjatë shërbimit të rojës,
shoqëruar me masën e përjashtimit nga radhët
e policisë.
Vidhnin dyqane, përfundojnë në
qeli
shkoder-Vidhnin dyqane përfundojnë
në qeli. A. Keti dhe R. Pulaj u arrestuan dje nga punonjësit
e policisë së Shkodrës. Sipas burimeve nga
policia, dy të arrestuarit dyshohen si autorë të
vjedhjes së disa dyqaneve në zonën e Shllakut.
Burime nga policia bëjnë të ditur se dy të
arrestuarit dyshohen për një sërë vjedhjesh
të ndodhura kohët e fundit në këtë
fshat. 50-vjeçari dhe një 34-vjeçari, lindur
dhe banues në Dukagjin, kanë rënë nën
prangat e bluve të Shkodrës në ekzekutim të
një urdhri të prokurorisë të këtij
rrethi për veprën penale të vjedhjes në
bashkëpunim të pasurisë të tjetrit. A.
Keti dhe R. Pulaj një javë më parë kishin
vjedhur një nga dyqanet e Shllakut.
Drejtoria e Burgjeve negocion me të
dënuarit grevistë
elbasan-Drejtoria e Përgjithshme e Burgjeve
ka negociuar për të plotësuar kërkesat
e të dënuarve grevistë në burgun e Elbasanit.
Sipas të dhënave nga ky institucion, dje kanë
arritur në Elbasan specialistë të Drejtorisë
së Përgjithshme të Burgjeve, të cilët
kanë biseduar me të burgosurit grevistë. Të
njëjtat burime theksuan se specialistët e burgjeve
kanë dëgjuar kërkesat e të dënuarve
dhe kanë premtuar për zgjidhjen sa më shpejt
të këtyre kërkesave. Për këtë
arsye në Elbasan erdhën specialistë të
Drejtorisë së Përgjithshme të Burgjeve,
të cilët morën kontakte direkte me të
burgosurit. Të dënuarit e burgut të Elbasanit
kanë kërkuar përmirësim të kushteve
në burg, përmirësim të kushteve të
higjienës, zbrazje të burgut nga mbipopullimi.
Gjendet kufomë me një këmbë
në lumin Shkumbin
Elbasan - Gjendet kufoma me një këmbë
në lumin Shkumbin. Dje në orën 20.20 në
breg të lumit Shkumbin, në afërsi të fshatit
Trash të komunës Shezë, në Peqin, është
gjendur një kufomë e dekompozuar e seksit mashkull.
Burime nga policia bënë të ditur se banorët
e fshatit e kanë identifikuar kufomën, kur ajo ka
dalë në breg të lumit. Ata kanë njoftuar
policinë e Peqinit, e cila pas pak ka arritur në
vendngjarje. Më pas është njoftuar një
grup hetimor, i cili ka kryer veprimet përkatëse.
Sipas të dhënave të marra nga grupi hetimor,
rezulton se kufoma është e dekompozuar pjesërisht
dhe i takon një mashkulli me moshë rreth 25-30 vjeç.
Për këtë rast është interesuar familja
Kuminja nga Bradasheshi djali i së cilës, Andi Kuminja
është zhdukur nga shtëpia që në fund
të muajit mars.
I mituri përdhunon komshiun
BERAT - Një 15-vjeçar ka përdhunuar
një të mitur 6 vjeç në banesën
e tij në fshatin Fush-Peshtan, komuna Vërtop. Burime
të policisë bëjnë të ditur së
është bërë ndalimi i Armand Cekës,
15 vjeç, lindur dhe banues në fshatin Fush-Peshtan,
komuna Vërtop, vetëm 10 kilometër larg qytetit
të Beratit. Ndalimi i tij është bërë
se 15- vjeçari kish kryer marrëdhënie me
dhunë me një të mitur me iniciale E.T., banore
në këtë fshat. Ka qenë ora 16.00 të
pasdites së mërkurë, kur 15-vjeçari
ka shkuar tek shtëpia e të miturit dhe ka shfrytëzuar
mungesën e familjarëve duke ushtruar dhunë
mbi fëmijën. Burime pranë policisë bëjnë
të ditur se ai ka kryer marrëdhënie me të
miturin dhe është larguar menjëherë. Kanë
qenë familjarët e 6-vjeçarit, të cilët
kanë bërë denoncimin, pas një kontrolli
të bërë fëmijës në spitalin
e Beratit. Me një herë familjarët kanë
njoftuar policinë. Në vendngjarje kanë shkuar
grupi i gatshëm dhe grupi hetimor. Nga hetimet paraprake
të kryera nga grupi hetimor dhe mjeku ligjor është
konstatuar se fëmija është përdhunuar.
Pas identifikimit të autorit të ngjarjes, policia
ka bërë të mundur kapjen e autorit, Armand
Ceka, 15 vjeç, i cili është shoqëruar
për në komisariatin e policisë, ku është
marrë në pyetje nga oficerët gjyqësorë.
Kap hajdutin në flagrancë ja
dorëzon policisë
Kap hajdutin duke vjedhur në lokalin e
tij dhe ja dorëzon policisë. Burime pranë policisë
së Elbasanit bëjnë të ditur se dje në
orën 02.30 të mëngjesit Luan Bora, me banim
në Gostimë ka kapur duke vjedhur në bar kafenë
e tij Lulzim Hoxha 30 vjec. Ky I fundit ishte me banim në
Kodër Bujars të komunës Gjergjan. I zoti i
lokalit nuk ka ushtruar aspak dhunë ndaj hajdutit ordiner,
por ka preferuar t’ja dorëzjë atë policisë.
Të njëjtat burime pohojnë se mbi Hoxhën
rëndon vepra penale e vjedhjes.
Emigranti i mbytur zbulohet shkaku i vdekjes
Emigranti ka vdekur nga mbyllja a alveolave
të mushkërisë me ujë. Kjo është
përgjigja e analizave 0nga Instituti i Ekspertimit Mjeko-Ligjor
në Tiranë, për shkakun e vdekjes së Durim
Dervishit me banim në Qafshkallë të Belshit.
Sipas mjekut ligjor të Elbasanit Altin Kënuti “në
përfundim të analizave rezultoi se Durim Dervishi
26 vjec ka vdekur si pasojë e asfiksisë mekanike
të shkaktuar nga mbyllja a alveolave të mushkërisë
me ujë”. Kufoma e Durim Dervishit u gjet nga një
peshkatar më 19 mars në liqenin e Belshit.
Pranga, të shpallurit në kërkim
për vrasje
Bie në pranga i shpalluri në kërkim
për vrasje. Burime pranë komisariatit të policisë
së Korçës bëjnë të ditur se
është arrestuar Hekuran Ajazi, 28 vjeç lindur
dhe banues në rrethin e Dibrës. Ajazi ishte shpallur
në kërkim për veprën penale të “vrasjes”,
të kryer më 12 korrik të vitit 2001. Të
njëjtat burime pohojnë se arrestimi është
bërë në vijën e kalimit kufitar të
Kapshticës. Ky person u kthye si deportiv, pasi ka qenë
i shpallur në kërkim, pasi gjykata e shkallës
së parë Dibër e ka dënuar për veprën
penal etë vrasjes.
Protestuesit kërcënojnë
personelin turk
ELBASAN – Metalurgët bllokojnë
firmën “Kurum” dhe kërcënojnë
se do largojnë personelin turk. Dje, në ditën
e tretë të protestës, mbi 200 metalurgë,
bllokuan hyrjen e automjeteve për në uzinën
e prodhimit të çeliqeve duke ngritur barrikada
të cilat i mbrojnë ditën dhe natën. Në
hyrje të “Petëzimit” është
vendosur një masë gjigante metalike, e cila pasohet
nga një tra të përforcuar me mjete rrethanore
pas të cilit bëjnë roje mbi 200 metalurgë.
Ndërsa rruga që të çon për në
uzinën e shkrirjes së çelikut është
bllokuar me gurë dhe inerte e papërshkueshme nga
automjetet. Synimi i metalurgëve është që
të paralizojnë aktivitetin e firmës duke mos
lejuar futjen e prokateve nga importi nga njëra anë,
dhe duke mos lejuar daljen e hekurit të prodhuar nga
“Petëzimi” nga ana tjetër. Disa protestues
i kanë bërë thirrje popullit të Elbasanit
dhe studentëve të universitetit, që t’i
mbështesin në ditët e këqija që po
kalojnë. Nga ana tjetër, sindikatës Kimi-Metalurgji
i ka rënë në dorë dje një shkresë,
e cila njofton punëtorët se është lidhur
një kontratë mes firmës dhe disa sindikatave
të tjera që veprojnë në këtë
rreth. Sindikata Kimi-Metalurgji, Këshilli Sindikal dhe
Seksioni Sindikal e kanë denoncuar aleancën e fshehtë.
Kreu i Seksionit Sindikal, Gjon Ndoci, u shpreh se sindikata
Kimi-Metalurgji nuk ka pasur asnjë marrëveshje me
firmën dhe se vazhdon të jetë në krah
të punëtorëve.
Aksidenti, 2 të vdekur dhe një
i plagosur
FIER - Dy të vdekur dhe një i plagosur,
si pasojë e aksidentit të rëndë të
ndodhur dje herët në mëngjes në qytetin
e Fierit. Burime pranë policisë bëjnë
të ditur se gjetën vdekjen Ilir Buzi, 36 vjeç
dhe Gazmir Zeqiri, 30 vjeç, ndërsa është
plagosur rëndë Mustafa Bega, drejtuesi i mjetit.
Të njëjtat burime pohojnë se shkak për
këtë aksident të rëndë ka qenë
shpejtësia e madhe jashtë normave të lejuara
të drejtuesit të mjetit. Aksidenti ka ndodhur në
afërsi të qytetit të Fierit, kur makina tip
“Audi” që drejtohej nga Mustafa Bega, bashkë
me pasagjerët, dy viktimat po udhëtonin për
në Athinë. Makina pasi është përplasur
me një mur betoni të urës, ka rënë
në një kanal kullues.
FMN-ja, zyra të reja tek Kullat Binjake
TIRANE-Përfaqësia e Fondit Monetar
Ndërkombëtar përuroi dje zyrat e reja pranë
Kullave Binjake në Tiranë. Në ceremoninë
e përurimit morën pjesë ministri i Financave,
Ridvan Bode, ministri i Ekonomisë, Tregtisë dhe
Energjetikës, Genc Ruli, si dhe përfaqësues
të trupit diplomatik të akredituar në vendin
tonë. Përfaqësuesja e përhershme e Fondit
Monetar Ndërkombëtar në vendin tonë, Ann
Margaret Westin, u shpreh se zyra e parë e Fondit Monetar
Ndërkombëtar në Tiranë u hap në vitin
1992. Që nga ajo kohë, u shpreh zonja Westin, ne
filluam bashkëpunimin me qeverinë shqiptare, duke
dhënë mbështetjen si dhe duke hartuar politika
për zhvillimin e sektorëve strategjikë të
vendit. Sipas saj, ky institucion do të jetë në
mbështetje të plotë të qeverisë me
programet e veta.
4 mijë apartamente për strehim
TIRANE-Ministria e Punëve Publike, Transportit
dhe Telekomunikacionit do të bashkëpunojë me
partnerë privatë për të ndërtuar
banesa sociale në vendin tonë. Burime nga ky dikaster,
thanë se do të ndërtohen 4 mijë apartamenteve
sociale, të cilat do të jepen me qira dhe do shikohen
nga shteti si një nga zgjidhjet e mundshme të problemit
të mprehtë të strehimit në vend. Ndërkohë,
në buxhetin e vitit 2006 janë parashikuar të
investohen rreth 685 milionë lekë për ndërtimin
e disa banesave për të pastrehët. Ky fond,
që rezulton më i lartë se ai i vitit 2005,
do të përdoret për ndërtimin e 500 apartamenteve
në rrethe të ndryshme, ku të pastrehët
mund t’i marrin ato në dorëzim edhe duke paguar
qira.
Mësuesit pa licencë, do përjashtohen
KUÇOVE – Mësuesit që
kryejnë kurse private, do të ndëshkohen sipas
ligjit, deri në përjashtim nga puna. Drejtori i
drejtorisë arsimore të Beratit Yzedin Hima, tregon
për gazetën masat e marra për mësuesit
që kryejnë kurse private. Burime nga Drejtoria Arsimore
bëjnë të ditur së pas denoncimeve të
bëra nga prindërit e nxënësve, kjo drejtori
ka filluar hetimet. Drejtori Yzedin Hima është shprehur
se “të gjithë ata mësues që kanë
kryer veprime të tilla kanë thyer urdhrin e Ministrit
Arsimit, me dashje dhe do të ndëshkohen sipas ligjit,
deri në përjashtimin nga puna”. Ka shumë
mësues pa liçencë që zhvillojnë
kurse të jashtëligjshme. Edhe pse ka dalë urdhri
i Ministrit Arsimit, Genc Pollo për ndalimin e kurseve
private në Kuçovë vazhdojnë në
mënyrë intensive. Sipas prindërve këto
kurse janë kthyer në tregti përfitimi për
këta mësues, që zhvillojnë kurse fantazma
nëpër vende të fshehta. Ky veprim ka ndikuar
negativisht tek nxënësit, tashmë në prag
të mbylljes të vitit shkollor. Asime Goreja, banore
në këtë qytet është shprehur se “fëmija
i saj, që është në vitin e tretë
të shkollës mesme të përgjithshme, ka
rënë nga mësimet se nuk ka mundësi të
shkojë në kurset private. Shumë prindër
janë shprehur se mësuesit e lëndëve që
japin, kurse private nuk zhvillojnë ashtu siç
duhet lëndën mësimore.
